Mercado e festa do mar 2022 - Actividades

Anterior
Siguiente
Este ano, o Mercado e Festa do Mar volve ao Parrote, o seu lugar natural. Un mercado máis grande, máis bonito e máis festivo. O mellor lugar para celebrar os nosos mares.

Con moito amor e respecto polo océano, así son os produtos mariñeiros que poderás degustar e comprar no noso Mercado e Festa do Mar. Sexa marisco, conservas, artesanía, deseño ou propostas para gozar do mar. O mellor da costa da Coruña e do resto de Galicia.

No Espazo Km.C Estrella Galicia, agárdante os encontros Impacto Positivo a través da Gastronomía, da man dos mellores cociñeiros e cociñeiras de Galicia (Grupo Nove e Coruña Cociña), showcookings con produtos certificados pescadeRías, presentacións de libros, obradoiros e moitas outras sorpresas.

E para os nenos e as nenas, o Espazo Vegalsa-Eroski ofrece Baixo o mar, un espazo no que poderán coñecer dun xeito moi divertido toda a riqueza que alberga o mar como gran ecosistema do noso planeta, a súa íntima vinculación coa vida dos seres humanos, así como a necesidade de coidalo.

O escenario encherase de música para celebrar o mar: Pansenfron, Os Viqueiras e os concertos Km.C Estrella Galicia rematarán de dar o ambiente festivo que o Mercado merece. E, para repoñer forzas, a barra de bebidas e foodtrucks mariñeiras.

Actividades
17 de setembro
(Sábado)

11:30 h

Apertura do Mercado e Festa do Mar

12:00 h

Obradoiro: Elaboración de papel reciclado

A Casa Rodante
Todos os públicos
Espazo Mar de Mares
Entrada libre ata completar capacidade.

A Casa Rodante propón un obradoiro artesán para crear o teu propio papel reciclado. Papeis únicos e irrepetibles nos que conseguir transmitir as túas ideas, sentimentos e inquedanzas. Todo sen esquecer o respecto ao medio ambiente.

12:00 h ata 21:00 h

Baixo o Mar. Espazo Vegalsa-Eroski

Nenas e nenos de 5 a 11 anos
Entrada libre ata completar capacidade*.

Móllate no mundo submarino para coñecer toda a riqueza que alberga o mar como gran ecosistema do noso planeta e a súa íntima vinculación coa vida dos seres humanos, así coma a necesidade de cuidalo e preservalo para garantir un futuro sostible para todos e todas.

*As actividades “Somos mar”; “Somos o que facemos” e “Somos o que imaxinamos” requiren inscrición previa no propio espazo.

12:00 h

Encontro Inspirador: Gastronomía de proximidade con Coruña Cociña

Maiores de 18 anos
Espazo Km.C Estrella Galicia
Inscrición previa na web do festival
(Ir o enlace)

Unha gran revolución está tendo lugar nas mellores cociñas. Imponse o km 0 e gañan protagonismo os ingredientes cultivados nas proximidades. Para coñecer mellor este novo xeito de entender a gastronomía contaremos coa presenza de tres grandes chefs do grupo Coruña Cociña: Moncho Méndez, Ángeles Marzoa e Javier Freijeiro que, baixo a batuta da xornalista María Cheda, nos darán as claves desta intensa historia de amor entre cociñeiros e produtores da súa contorna.

13:00 h

Concerto: Adhara & Ritman

Fusión
Todos os públicos
Escenario
Entrada libre

Neste concerto da rede Km. C de Estrella Galicia a banda Adhara & Ritman presentan temas en galego que non teñen prexuizos en misturar a tradición da nosa terra (cantigas populares, Rosalía de Castro, etc.) con ritmos coma o blues, reggae, swing ou mesmo latina. Talento galego de exportación.

16:30 h

Obradoiro: Elaboración de papel reciclado

A Casa Rodante
Todos os públicos
Espazo Mar de Mares
Entrada libre ata completar capacidade.

17:30 h

Obradoiro de artes de pesca: Tecendo Redes

Redeiras Illa Estrela
Todos os públicos
Espazo Mar de Mares

O tecido de redes foi unha actividade tradicionalmente vinculada ás mulleres do mar. Esa labor serve non só para crear e arranxar ferramentas de pesca senón, tamén, para xerar comunidade, compartir alegrías e penas e, en definitiva, manter á sociedade mariñeira tan unida coma eses fortes nós. As redeiras da Illa da Estrela compartirán co público os seus saberes e experiencia.

18:00 h

Charla: V Centenario da Casa de Contratación de Especiería de A Coruña e a Carabela San Lesmes

Santiago Juega e Luis Gorrochategui
Maiores de 18 anos
Espazo Km.C Estrella Galicia
ntrada libre ata completar capacidade

A Coruña foi un dos principais portos comerciais na procura de especias no século XVI. Nesta charla, o profesor de filosofía Luis Gorrachategui e o escritor Santiago Juega falarán, apenas uns días despois do 500 aniversario da primeira volta ao mundo realizada por Elcano, das consecuencias históricas deste feito para a cidade da Coruña, convertida nun dos principais portos de comercio de especias do mundo polo rei de entón, Carlos I.

19:00 h

Presentación poemario: Atlántico Norte, chamádeme Ismael

Xosé Iglesias
Maiores de 18 anos
Espazo Km.C Estrella Galicia
Entrada libre ata completar capacidade

O mariñeiro e poeta Xosé Iglesias presenta o seu último poemario Atlántico Norte, chamádeme Ismael. Ese título recolle unha clara referencia ao inicio da novela Moby Dick, de Neville, para amosarnos a través dos poemas unha longa e fructífera relación co mar.

20:30 h

Concerto: Laura LaMontagne & PicoAmperio

Música urbana
Todos os públicos
Escenario
Entrada libre

Dous universos, o folk e o hip-hop, conflúen nesta banda da rede Km. C de Estrella Galicia que, a través da música electrónica e armados de loops e cantigas de amigo, entre outras ferramentas, atopan novos sons para redefinir a tradición galaico-portuguesa.

22:00 h

Peche do Mercado e Festa do Mar

Actividades
18 de setembro
(Domingo)

Actividades

11:00 h

Apertura do Mercado e Festa do Mar

12:00 h ata 21:00 h

Baixo o Mar. Espazo Vegalsa-Eroski

Nenas e nenos de 5 a 11 anos
Entrada libre ata completar capacidade*.

*As actividades “Somos mar”; “Somos o que facemos” e “Somos o que imaxinamos” requiren inscrición previa no propio espazo.

12:00 h

Obradoiro: Pintando baleas e barcos con Xosé Iglesias

Nenos e nenas a partir de 6 anos
Entrada libre ata completar capacidade
Espazo Mar de Mares

O autor do libro de ilustracións Nación Mar compartirá cos participantes o seu xeito, sinxelo e efectivo, de pintar barcos que se transforman en baleas para converterse en seres mitolóxicos mariños.

12:00 h

Showcooking: Tesouros das nosas rías

Lolo Mosteiro e Paula Martínez (Restaurante A Artesa da Moza Crecha)
Maiores de 18 anos
Espazo Km.C Estrella Galicia
Inscrición previa na web do festival
(Ir o enlace)

A Artesa da Moza Crecha está certificada como Restaurante da Biosfera, distintivo outorgado pola Reserva da Biosfera Mariñas Coruñesas e Terras do Mandeo ligado ao uso e ao compromiso co produto local e ás boas prácticas medioambientais. Os seus chefs, Lolo Mosteiro e Paula Martínez, acompañarannos nesta ocasión para ensinar algúns dos seus trucos e técnicas culinarias cos mellores produtos de pescadeRías.

13:00 h

Concerto: Os Viqueiras de Ordes

Todos os públicos
Tradi
Escenario
Entrada libre

Trinta anos leva este grupo fundado polo Gaiteiro de Vilaverde e que vai xa pola terceira xeneración familiar. Pura tradición e un longuísimo repertorio avalan a traxectoria desta agrupación dedicada a amosar e preservar o mellor da música galega.

16:30 h

Obradoiro: Elaboración de papel reciclado

A casa rodante
Todos os públicos
Espazo Mar de Mares
Entrada libre ata completar capacidade.

17:30 h

Presentación libro: 13 grados en ecoedición: Alén do azul

Maiores de 18 anos
Espazo Km.C Estrella Galicia
Entrada libre ata completar capacidade.

Mergullarse na ría de Vigo é visitar un mundo próximo baixo outra luz no que habitan flores que son vermes, expertos da camuflaxe ou alfombras verdes de pradarías. Alén do azul. O mundo submarino da ría de Vigo é unha viaxe para coñecer as paisaxes submarinas e os seres que as habitan por medio de espectaculares fotografías, ilustracións ao detalle e mesmo vídeos ligados con códigos QR.

18:00 h

Percorrido en barco: A Coruña e o mar

Luis Dopico e Club del Mar de San Amaro
Todos os públicos
Inscricións e punto de encontro no Espazo Mar de Mares

Un especial percorrido pola fachada marítima da cidade co sabio do mar Luis Dopico, a bordo do Buitrón, a emblemática embarcación do Club del Mar de San Amaro. Dous históricos da cidade unidos pola paixón polo mar. Historias do pasado e do presente narradas dende a experimentada mirada dun home que faenou nas augas da Coruña durante 50 anos.

19:00 h

Encontro Inspirador: Gastronomía con impacto positivo con Grupo Nove

Maiores de 18 anos
Espazo Km.C Estrella Galicia
Inscrición previa na web do festival
(Ir o enlace)

Non hai mellor xeito de clausurar un espazo gastronómico ca o de mirar cara ao futuro. Por iso, e por formaren parte dun sector cada vez máis comprometido co medio ambiente, convidamos a Antonio Botana, a Miguel A. Campos e a Manuel Costiña, do Grupo Nove, a que falen dos esforzos da hostalería galega. Porque a boa cociña non só debe deixar un impacto positivo no noso padal, senón tamén no noso planeta.

20:00 h

Concerto: Pan Sen Fron

Todos os públicos
Tradi
Escenario
Entrada libre

Pandeireteiras Sen Fronteiros é un grupo de música tradicional da Galiza, feita con voz e percusións, principalmente pandeiretas. Deste xeito, pretenden poñer en valor e difundir este patrimonio inmaterial, así como situar a música galega no contexto das músicas de raíz.

21:30 h

Peche do Mercado e Festa do Mar.

Actividades
18 de setembro
(Domingo)

Actividades
18 de setembro

Primer artículo de la lista
10:00
Lorem fistrum por la gloria de mi madre esse jarl aliqua llevame al sircoo.
Segundo artículo de la lista
10:30
Lorem fistrum por la gloria de mi madre esse jarl aliqua llevame al sircoo.
Tercer artículo de la lista
12:30
Lorem fistrum por la gloria de mi madre esse jarl aliqua llevame al sircoo.